Idara ya mifugo na uvuvi katika Halmashauri ya wilaya ya Kilwa ina jumla ya watumishi 33, kati ya hao wanaume ni 26 na wanawake ni 7. Watumishi hawa wametawanyika kuanzia makao makuu ya wilaya, kata, tarafa na vijiji.
Kwa ujumla idadi ya watumishi wa idara ya mifugo ni wachache sana ukilinganisha na mahitaji ya vijiji 90, kata 23, tarafa 6. Wananchi wa halmashauri ya wilaya ya kilwa wanajishughulisha na na ufugaji wa wanyama kama ng’ombe, mbuzi, kondoo, kuku, sungura, bata, bata mzinga, kanga, paka na mbwa.
Nyanda za malisho zilizopo ni zaidi ya Ha. 531,544 ambazo zina wa kutunza ng’ombe zaidi ya 270,000 kwa mwaka.
MAJUKUMU YA IDARA
Kazi kubwa zinazofanywa na watumishi wa idara ya Mifugo na Uvuvi ni kama ifuatavyo:-
Kutoa mafunzo kwa wafugaji namna ya bora ya kufuga mifugo ya aina mbalimbali na hatimaye kupata lishe bora na kuongeza kipato katika familia.
Kutoa tiba na chanjo kwa Mifugo dhidi ya magonjwa mbalimbali ya mifugo.
Kutega mitego ya aina mbalimbali ili kuweza kuthibiti ndorobo ambao hushambulia mifugo na kusababisha hasara kwa wakulima.
Kuwafundisha wafungaji namna bora ya kutumia mabaki ya vyakula (pumba, mashudu na mabaki ya samaki) ili kutengeneza chakula bora cha mifugo na hatimaye kuongeza uzalishaji.
Kufanya ukaguzi wa wanyama kabla ya na baada ya kuchinjwa ili kulinda afya za walaji wa nyama.
Kutoa mafunzo kwa wafugaji namna bora ya kuendeleza nyanda za malisho ili kuhakikisha mifugo inapata malisho/chakula cha kutosha kwa kipindi cha mwaka mzima.
Kushirikiana na idara ya Ardhi kupima na kutenga maeneo ya kwa ajili ya malisho ya mifugo ili kuondoa migogoro isiyo ya lazima baina ya wakulima na wafugaji.
Kushirikiana na taasisi mbalimbali za kiserikali (VIC, CVL) na zisizo za kiserikali katika kubaini magonjwa mbalimbali ya mifugo na mwisho wa siku kupata ufumbuzi wa matatizo hayo.
Kushirikiana na idara, taasisi na mashirika mbalimbali katika kuendeleza sekta ya mifugo nchini.
Kuitisha mikutano ya hadhara katika jamii ili kubaini changamoto mbalimbali katika shughuli zao za ufugaji.
