Sheria

Kitengo cha Sheria katika Halmashauri ya Wilaya ya Kilwa ni moja kati ya vitengo vitano vinavyowajibika moja kwa moja kwa Mkurugenzi wa Halmashauri na majukumu yake makuu ni kuishauri Halmashauri kuhusiana na masuala ya  kisheria, kutetea maslahi ya Halmashauri na kuandaa mikataba na makubaliano mbalimbali yanayohusu masuala ya kisheria hususani katika :-

1. Kutetea maslahi ya Halmashauri ya Wilaya ya Kilwa katika kesi mbalimbali zilizofunguliwa dhidi ya Halmashauri au zilizofunguliwa na Halmashauri dhidi ya watu/Taasisi au makampuni mbalimbali.
2. Kutoa ushauri wa kisheria kwa mamlaka mbalimbali / watu binafsi kuhusiana na sheria mbalimbali
3. Kusimamia uendeshaji wa kesi katika Mahakama za Wilaya.
4. Kusimamia shughuli zote za ulinzi na usalama  juu ya mali za Halmashauri ya wilaya ya Kilwa.
5. Kuandaa mikataba na makubaliano mbalimbali kati ya Halmashauri ya Wilaya ya Kilwa, watu, makampuni, pamoja na taasisi nyingine.

6. Kusimamia na kuratibu mabaraza ya kata.

7. Kuandaa na kusimamia rasimu za Sheria ndogo za Halmashauri.