Halmashauri ya Wilaya ya Kilwa ina fursa nyingi za uwekezaji katika sekta ya uvuvi. Ina eneo zuri kwa ajili ya ufugaji wa viumbe wa baharini kama samaki, kaa, kamba koche na mwani. Vilevile kuna fursa kubwa ya uanzishwaji wa viwanda vya uchakataji wa mazao ya uvuvi kutokana na upatikanaji samaki wa aina nyingi. Pia Wilaya ya Kilwa ina sehemu nzuri zinazoweza kutumika kwa ajili ya uvuvi wa kitalii utakao saidia kuongeza pato la Halmashauri na Taifa kwa ujumla.
SEHEMU KUU ZA FURSA ZA UWEKEZAJI
Ufugaji wa samaki;
Kuna maeneo mazuri ya kuchimba mabwawa ya maji chumvi na maji baridi na hali ya hewa nzuri kwa ajili ya ufugaji wa samaki aina ya tilapia, kambale, Mkuyuyu, fursa zilizopo katika ufugaji wa samaki ni;-
Uanzishwaji wa vituo cha kuzalisha mbegu bora za samaki na vyakula vya samaki
Maeneo mazuri kwa ufugaji mdogo, wa kati na mkubwa
Kuwekeza katika ufugaji wa Chaza, Kaa,
Uzalishaji wa mazao ya samaki na kuongeza thamani kwa masoko ya ndani na nje.
Zana za Uvuvi na Teknolojia
Uzalishaji wa zana na vifaa vingine vya uvuvi na usambazaji kama vile Nyavu na vifaa vya kuogelea
Uingizaji wa zana na vifaa vya uvuvi na usambazaji
