Vyama vya ushirika vyapatiwa mafunzo

Posted on: October 13th, 2018

Kilwa,

Mkuu wa polisi wilaya ya kilwa  H. Banzi  amevitaka Vyama vya ushirika wilayani kilwa kutoa taarifa  mapema pindi wanapopata Matatizo.

Ameyasema hayo  alipokuwa akizungumza na Wajumbe wa Bodi za Vyama vya Ushirika  pamoja na Makatibu wa Vyama hivyo katika ufunguzi wa Mafunzo yanayoendelea katika Ukumbi wa kwa Sultan Mjini Kilwa  .

Banzi amesema Vyama vya Ushirika vimekuwa vikichelewa kutoa taarifa pindi yanapotokea matatizo katika Vyama vyao hasa inapotokea mkanganyiko katika masuala ya Kifedha.

Amesema kuna kesi nyingi ambazo zimekuwa zikiziripotiwa Polisi  baada ya muda mrefu kupita, muhusika kukimbia  au zikiwashinda kuzimaliza.

“Utakuta   tukio limetokea  miezi kadhaa nyuma lakini mnakaa kimya mpaka muhusika anatoroka au mnashindwa kulipatia ufumbuzi ndio mnkuja kutoa taarifa , halafu watu wakihoji mnasema tusharipoti Polisi wanalifanyia kazi” alisema Banzi

Pia amevitaka vyama vya ushirika kuchagua watunza fedha wenye ujuzi ili kupunguza matatizo ambayo yanaweza kuepukika.

Banzi amesema polisi imekuwa ikipokea kesi nyingi kutoka Vyama vya ushrika kuwa kuna baadhi ya Viongozi wamekula pesa kitu ambacho muda mwingine kinakuwa hakina ukweli

“Kuna kesi ilikuja kwamba kuna Mtu amekula Pesa ya Chama ambayo ilikuwa karibia milioni Mia Moja  lakini kwa kushirikiana  na  Takukuru tukafuatilia na  kugundua kuwa hakuna pesa  iliyokuwa imeliwa ni makosa  tu yalikuwa yamefanywa na walikuwa wanaendesha zoezi kutokana na kukosa ujuzi wa usimamizi wa fedha, katika milioni Mia Moja karibia milioni Themanini zilipatikana” alisema Banzi

Wajumbe wa Bodi za Vyama vya Ushirika  pamoja na Makatibu wakiwa  katika  Mafunzo yanayoendelea katika Ukumbi wa kwa Sultan Mjini Kilwa

 Naye mtunza Ghala, Ghala la Nangurukuru  Ndg. Mbaraka Makolongo amesema maandalizi kwa ajili ya Msimu wa Korosho yanaendelea vizuri na kusema kuwa kuanzia Oktoba 17 watakuwa tayari kuanza kupokea Korosho.

Pia amewatoa hofu Wakulima kuhusu Nafasi ya kuhifadhia mazao yao baada ya kufika ghalani kwani  nafasi ipo ya kutosha.

“Chamgamoto ya Nafasi tulisha ifanyia kazi kwa msimu huu hakutakuwa na changamoto hiyo tena kwahiyo niwaombe tu wakulima walete Korosho zao, Lakini wahakikishe korosho wanazoleta zina ubora unotakiwa” alisema Mbaraka

Awali akifungua mafunzo hayo Mkuu wa Wilaya ya Kilwa Mhe. Christopher Ngubiagai amewataka washiriki wa mafunzo hayo kujifunza kwa bidii na kwenda kuyafanyia kazi yale watakayo fundishwa.

“Baada ya mafunzo haya hatutarajiiu kuona makosa ambayo yalikuwa yakifanyika siku za nyuma yanajirudia tena, sasa hivi mutakuwa na ujuzi ambao utasaidia katika kuboresha kazi zenu kwahiyo hatutarajii kusikia makosa yamejirudia.