KILWA DC YAANZA KWA KISHINDO SHIMISEMITA

Posted on: August 16th, 2025

Timu ya mpira wa miguu ya Halmashauri ya Wilaya ya Kilwa imeanza vyema michuano ya Shirikisho la Michezo ya Serikali za Mitaa Tanzania (SHIMISEMITA) kwa kuibuka na ushindi wa goli 1–0 dhidi ya Babati TC, katika mchezo wa kwanza wa hatua ya makundi.

Mchezo huo umechezwa katika Uwanja wa Shule ya Sekondari ya Tanga Tech, tarehe 16 Agosti, 2025. Katika mchezo huo Mhandisi Masunga Maduhu Masunga kutoka Kilwa DC ameipatia timu yake goli pekee lililopeleka ushindi muhimu kwa Kilwa.

Ushindi huu unatoa hamasa kubwa kwa kikosi cha Kilwa kuendelea kufanya vizuri katika michezo inayofuata ya hatua ya makundi.