"Marufuku mchezo wa pool table muda wakazi" - Rc Zambi

Posted on: July 31st, 2018

Kilwa,

Mkuu wa Mkoa wa Lindi Mheshimiwa Godfrey Zambi amesema hawezi kuvumilia kuona watu wana  cheza pool table na michezo mingine muda  wa kazi na kurudisha nyuma jitihada za  Rais wa Jamhuri ya Muungano wa Tanzania Mheshimiwa Dkt John Pombe Magufuli za kutaka watu wafanye kazi kwa ajili ya maendeleo ya Taifa.

Ameyasema hayo alipokua akihutubia wakazi wa kijiji cha Mavuji baada ya kusimama kjijini hapo akiwa katika msafara kufuatia kitendao cha baadhi ya vijana kukutwa wakicheza mchezo wa pool table.

Amesema atawakamata wote ambao watakiuka agizo la kutocheza pooltable na michezo mingine muda wa kazi na kuwapeleka katika vyombo cha sheria.

“Ndugu zangu Sasa hivi ni saa 4 asubuhi na hawa vijana wanacheza pooltable kazi wanafanya saa ngapi?

Hatuwezi kwenda namna hii muda ambao wameruhusiwa kucheza michezo hii unajulikana sasa inakuwaje muda huu ambao wanatakiwa kufanya kazi wao wana cheza pool table” alihoji Zambi.

Mkuu wa Mkoa wa Lindi Mheshimiwa Godfrey Zambi akizungumza na wakazi wa kijiji cha Mavuji baada ya kupita kijijini hapo na kukuta Vijana wakicheza Poool Table asubuhi kinyume na utaratibu uliowekwa (Picha :Ally Raumbo)

Aidha ameagiza kufungwa kwa vibanda ambavyo vinaendesha michezo ya bahati nasibu Maarufu kama Mabonanza na kuvisajiri kisheria.

“Wananchi hivi sio vitu vya kufumbia macho kabisa kwa sababu wanaoharibikiwa ni watoto wetu sasa naagiza kufungwa kwa vibanda ambavyo vinaendesha michezo ya bahati nasibu  anayetaka kuendelea na biashara hii akajisajiri atambulike kisheria

siku nyingine ambayo haina jina tukikuta wanaendelea na michezo hii muda wa kazi tutakamata wachezaji na washangiliaji wote” alihitimisha Zambi

Katika tukio hilo kijana mmoja alikamatwa na jeshi la polisi alipokua akicheza pool table muda ambao sio rasmi kwa mchezo huo.