KILWA PRINCESS WAIBUKA WASHINDI BONANZA LA MICHEZO LA WASICHANA KILWA

Posted on: May 12th, 2025

Bonanza la michezo kwa wasichana limefanyika kwa mafanikio makubwa tarehe 09 Mei 2025 katika uwanja wa Chuo cha Maendeleo ya Wananchi (FDC) Kilwa Masoko. Lengo la bonanza hilo lilikuwa ni kuhamasisha ushiriki wa wasichana katika michezo, kuibua vipaji, na kuendeleza afya na mshikamano miongoni mwao.

Timu zilizoshiriki katika bonanza hilo ni:

Kilwa Princess

FDC Queens

Kivinje Secondary Queens

Kilwa Secondary Queens

Katika mashindano hayo, Kilwa Princess wameibuka washindi wa jumla wakifuatiwa na Kivinje Secondary Queens walioshika nafasi ya pili. Ushindani ulioonyeshwa na timu zote umeashiria maendeleo chanya ya michezo kwa wasichana katika Wilaya ya Kilwa.

Afisa Utamaduni, Sanaa na Michezo wa Halmashauri ya Wilaya ya Kilwa, Bi. Veneranda Maro, ameeleza pongezi zake kwa wachezaji na waandaaji wa bonanza hilo, akisisitiza umuhimu wa kuendeleza jitihada za kuwawezesha wasichana kushiriki kikamilifu katika michezo kama sehemu ya maendeleo ya jamii.

Tukio hili limekuwa chachu ya kuimarika kwa vipaji vya michezo miongoni mwa wasichana na limeonesha dhamira ya wilaya katika kuwekeza kwenye michezo jumuishi na endelevu