"Fanyeni kampeni na uchaguzi kwa amani" - Rc Zambi

Posted on: November 2nd, 2018

Mkuu wa mkoa wa Lindi Mhe. Godfrey Zambi amewataka wananchi ambao kata zao zinaenda kufanya uchaguzi kuwa watulivu na kujiepusha na vitendo vitakavyo hatarisha  amani

Zambi ameyasema hayo alipokuwa akihitimisha ziara ya siku Sita wilayani Kilwa katika viwanja vya Maalim Seif Mjini Kilwa Kivinje Novemba 12 mwaka huu

Zambi amesema akiwa kama Mweneykiti wa kamati ya ulinzi na usalama Mkoa atashughulika na  wale wote watakao jihusisha na vitendo vya uvunjifu wa amani kipindi cha uchaguzi pamoja na watakao fanya kampeni  za matusi.

Aidha amewataka wananchi kuchagua viongozi kwa kupima Nguvu za hoja na sio hoja za nguvu

Akiwa wilayani Kilwa Mhe. Zambi aliambatana na wataalamu kutoka Halmashauri ya wilaya ya kilwa na kufanya mikutano katika vijiji mbalimbali pamoja na kusikiliza na kuzishughulikia kero  za Wananchi.