BANDA LA HALMASHAURI YA WILAYA YA KILWA LAMVUTIA NAIBU KATIBU MKUU MIFUGO NA UVUVI

Posted on: August 7th, 2025

Naibu Katibu Mkuu wa Wizara ya Mifugo na Uvuvi, Dkt.  Edwin P. Mhede leo tarehe 07 Agosti 2025, ametembelea Banda la Halmashauri ya Wilaya ya Kilwa katika Maonesho ya Nanenane Kanda ya Kusini, ambapo ameridhishwa na maandalizi yaliyofanyika na namna banda hilo lilivyoandaliwa kwa ubora.

Dkt. Mhede amepongeza juhudi za halmashauri kwa kuandaa banda lenye mazao bora ya kilimo, bwawa la samaki lililoandaliwa kitaalamu pamoja na mifugo yenye ubora.

Aidha, amefurahishwa na ushiriki wa wajasiriamali wanaoonyesha bidhaa mbalimbali zitokanazo na kilimo, mifugo na uvuvi, akisisitiza kuwa huo ni mfano mzuri wa mnyororo wa thamani unaopaswa kuendelezwa.