Asimamishwa kazi kwa tuhuma za kufanya mapenzi na mwanafunzi

Posted on: July 27th, 2018

Kilwa,

Mkuu wa Mkoa wa Lindi Mheshimiwa Godfrey Zambi ameagiza kusimamishwa kazi Mkuu wa shule ya Sekondari Kivinje kwa tuhuma za kufanya mapenzi na mwananfunzi wake.

Zambi amesema akiwa kama Mkuu wa Mkoa hawezi kukubali kuona Mwalimu huyo ana tuhuma nzito na anaendelea na kazi hivyo asimamishwe kazi wakati uchunguzi wakina ukiendelea dhidi yake.

“Siwezi kukubali kuona Mwalimu ambaye anatuhumiwa akiendelea kuingoza shule, naagiza kuanzia sasa asimamishwe kazi na nafasi yake akaimishwe mwingine wakati uchunguzi ukiendelea pia naagiza kusimamishwa kazi makamu wake kwa kushindwa kumshauri masuala ya uongozi .

Na baada ya uchunguzi kukamilka walimu hawa wote wahamishwe na huko ambako watahamishiwa   waendelee kuwa chini ya Uangalizi” alisema Zambi

Aidha Mh zambi amemuagiza mkuu wa Wilaya ya Kilwa Mheshimiwa Christopher  Ngubiagai kupanga siku na kuwaarika viongozi mbalimbali wa kidini pamoja na wazee wa Jadi kwenda Shule ya Sekondari Kivinje kufanya maombi kufuatia tatizo la Wanafunzi kupata ugonjwa wa ajabu wa kuanguka mara kwa mara. Bofya hapa https://youtu.be/joVnfHaBEw4 kuona jinsi wanafunzi wanavyo anguka (video credit-Azam tv)