MSIMAZI WA UCHAGUZI AWAJULISHA VIONGOZI WA VYAMA VYA SIASA JUU YA KUONGEZWA KWA SIKU ZA KUKATA RUFAA

Posted on: November 13th, 2024

Kaimu Msimamizi wa Uchaguzi Wilaya ya Kilwa Ndg. Msena Bina akiwa katika kikao pamoja na viongozi wa vyama vya siasa ngazi ya Wilaya, kikao kimefanyika katika Ofisi ya Mkurugenzi Mtendaji wa Halmashauri ya Wilaya ya Kilwa tarehe 13 Novemba 2024.

Lengo la Kikao hicho ni kuwajulisha viongozi wa vyama vya Siasa juu ya kuongezwa kwa siku za kuwasilisha, kusikiliza na kutolea maamuzi rufaa za wagombea katika uchaguzi wa serikali za mitaa. Hivyo viongozi hao wamehimizwa kuwasisitiza wagombea katika vyama vyao kutumia muda huo vizuri kwa ajili ya kupata haki zao.

Muda wa kuwasilisha, kusikiliza na kutolea maamuzi rufaa za wagombea katika kamati ya Rufaa ya Wilaya umeongezwa kutoka tarehe 10 -13 Novemba 2024 na Sasa ni tarehe 10-15 Novemba 2024.