MSIMAMIZI WA UCHAGUZI KILWA AWAHIMIZA WASIMAMIZI WASAIDIZI KUONGEZA KASI KWENYE UHAMASISHAJI WA UANDIKISHAJI.

Posted on: October 15th, 2024

Msimamizi wa Uchaguzi Halmashauri ya Wilaya ya Kilwa, Ndg. Hemed S. Magaro  amefanya kikao maalum na wasimamizi wasaidizi ngazi ya Kata na Vijiji leo tarehe 15 Oktoba 2024 katika ukumbi wa TUJIWAKI HALL uliopo Kilwa Masoko.

Lengo la kikao hicho ni kuwahimiza wasimamizi wasaidizi hao kuongeza kasi na bidii zaidi katika kuhamasisha wananchi katika maeneo yao ili wajitokeze kujiandikisha katika orodha ya wapiga kura katika uchaguzi wa viongozi wa serikali za mitaa ifikapo tarehe 27 Novemba 2024.

Aidha Ndg. Magaro amewata wasimamizi hao, kutumia majukwaa mbalimbali ya kijamii kuhamasisha wananchi kujiandikisha.

Hatua hii imefikiwa ikiwa ni siku ya tano tangu kuanza kwa zoezi la uandikishaji.

Kwa upande wao wasimamizi wasaidizi hao wameahidi kuchapa kazi na kuhakikisha watu wote wenye sifa za kujiandikisha wanafanya hivyo.

"Serikali za mitaa sauti ya wananchi, jitokeze kushiriki uchaguzi".