Mamia wajitokeza mazishi ya Diwani wa Mitole

Posted on: September 29th, 2018

Kilwa,

           Mamia ya wananchi wamejitokeza katika mazishi ya Diwani wa Kata ya Mitole Mhe. Saidi Rashidi Mnyamba.

Mnyamba alifikwa na umauti usiku wa Septemba 28 katika Kituo cha Afya Njinjo alipokuwa akipatiwa Matibabu ya ugonjwa wa Kujaa Maji katika Mapafu.

Marehemu Saidi Rashidi Mnyamba alizaliwa Januari 1 Mwaka 1960 katika kijiji cha Mitole, Kata ya Mitole Wialaya ya Kilwa na kupata elimu ya Msingi katika Shule ya Msingi Mitole na baadae alijunga na Chuo cha Ualimu Kitangali na Chuo cha Ualimu Nachingwea.

Mwaka 1981 aliajiriwa kama Mwalimu wa Shule ya Msingi ambapo alifundisha shule ya msingi Miguruwe 1981-1990, Shule ya Msingi Kandawale 1990-2007 na Shule ya Msingi Njinjo 2008 hadi 2014 ambapo alistaafu.

Baada ya kustaafu alijikita katika Siasa  ambapo Oktoba 2015 alifanikiwa  kushinda nafasi ya udiwani wa Kata ya Mitole kwa tiketi ya  Chama cha Mapinduzi nafasi ambayo ameihudumu mpaka umauti unamfika Septemba 28, 2018.

Marehemu Saidi Rashidi Mnyamba ameacha Mjane Mmoja na Watoto Kumi.

Mwenyezi mungu ailaze roho ya marehemu Saidi Rashidi Mnyamba Mahali pema peponi .