Kilwa mshindi wa pili Bonanza la mkoa wa Lindi

Posted on: September 17th, 2018

Kilwa,

      Halmashauri ya Wilaya ya Kilwa imeibuka Mshindi wa pili katika Bonanza lililo andaliwa na Ofisi ya Mkuu wa Mkoa  wa Lindi lililofanyika katika uwanja wa ilulu mkoani lindi.

Akizungumza  baada ya kukabidhiwa zawadi za mshindi wa pili kutoka kwa washiriki wa Bonanza hilo Mkurugenzi Mtendaji Halmashauri ya Wilaya ya Kilwa Ndg. Renatus Mchau amewapongeza washiriki kwa kuiwakilisha vyema Halmashauri ya wilaya ya katika mashindano hayo na kuwataka waongeze juhudi katika mashindano mengine ili waweze kufanya vizuri zaidi.

Moja ya Cheti kilichotolewa kwa Halmashauri ya Wilaya ya Kilwa baada ya kuibuka washindi wa pili katika Bonanza lililo andaliwa na Ofisi ya Mkuu wa mkoa wa Lindi lililofanyika Septemba 15 katika Uwanja wa Ilulu mkoani Lindi ( Picha : Ally Ruambo)

Bonanza hilo lilishirikisha Taasisi za kiserikali, binafsi na Mashirika mbalimbali kutoka katika  Halmashauri za Mkoa wa Lindi ambapo Michezo mbalimbali ikiwemo  Mpira wa miguu ,kukimbiza Kuku, kukimbia katika Gunia, Riadha na mingineyo ilichezwa  ambapo Halmashauri ya wilaya ya kilwa iliibuka Mshindi wa pili huku Jeshi la Magereza likiibuka kinara wa Bonanza hilo.

Kwa upande wake Kiongozi wa Timu ya Halmashauri ya Wilaya ya Kilwa ndg. Mtule  amewataka watumishi kujiandaa vyema ki mwili na akili kwa ajili ya Bonanza lingine linalotarajiwa kufanyika  Septemba 23 Wilayani Kilwa ambapo Halmashauri ya Wilaya ya Kilwa itakuwa mwenyeji wa Halmashauri ya Mtwara (Mtwara Dc).