Baraza la Madiwani Halmashauri ya wilaya ya Kilwa leo Tarehe 11.02.2024 limejadili na kuridhia kupitisha Rasimu ya Bajeti ya Idara mbalimbali kwa ajili ya utekelezaji wa Maendeleo kwa Mwaka 2024/2025

Posted on: February 11th, 2024

Baraza la Madiwani Halmashauri ya wilaya ya Kilwa leo Tarehe 11.02.2024 limejadili na kuridhia kupitisha Rasimu ya Bajeti ya Idara mbalimbali kwa ajili ya utekelezaji wa Maendeleo kwa Mwaka 2024/2025

Wajumbe wa Baraza hilo wamesema kuwa wanaamini Bajeti hiyo itasaidia kuimarisha utekelezaji wa Miradi mbalimbali ya Maendeleo ya wilaya hiyo hususani katika miundombinu ya Maji, Barabara,elimu pamoja na huduma nyingine za kijamii

Aidha Madiwani hao wamewataka wafanyakazi wa TARURA wilaya kutembelea na kukagua miundombinu ya Barabara iliyoathiriwa na Mvua zinazoendelea kunyesha kwa lengo la kuzifanyia tathimini pamoja na kurekebisha sehemu zote zilizoharibika

Kwa upande wake Katibu Tawala wa wilaya ya Kilwa Yusuph Mwinyi amewataka viongozi wa Wilaya hiyo kuendelea kuwahimiza wananchi waendelee kuchukua tahadhari za Mvua zinazoendelea kunyesha pamoja na athari zake katika maeneo mbalimbali ya wilaya ya Kilwa

Mwinyi ameyasema hao alipokuwa akitoa salamu za serikali katika Baraza la Madiwani, pia amewataka watumishi wa wilaya hiyo kushirikiana katika kuhakikisha maendeleo ya Wananchi yanaimarika ipasavyo.